話當年-股票行

當年大學畢業後的第一份工，是在某大證卷行的盤房做打機手。當時仲未興電腦落盤，多數人買股票都要經股票經紀，而經紀落盤就要打俾我地，我地入盤要用聯交所特定的交易系統及鍵盤，個時一日每個打機手可以有幾百到1千個盤，過左某一個盤數之後每多一個都有bonus.

果時見過好多大戶，不過多數都係本身有錢有生意，佢地多數都係買股票收息，偶然會用一部分錢炒，當然都有好喜歡炒賣的，不過長期賺錢的不多，而由小資炒到變大戶的，我未見過，不過經紀由冇錢變有錢的就唔少。

做左5年左右，冇炒賣意慾，唔會想抽IPO，只會用20日50日平均綫，儲到錢到價就買。走果時開始興網上落盤了。